May 02, 2025, 07:46 PM: Dimapur Police laga Commissioner – Kevithuto Sophie, IPS para toh hoiley ekta press statement issue kurishey, duita high profile case khan address kuri kena, kuntu toh hoiley itya investigate under tey asey – itu ekta fake medical practice kuria manu ke arrest kuria laga aru itu itya chuli thaka Pimla murder case tey investigate kuri thaka laga, tai laga office chamber tey, 2nd May, 2025 tey.
Tai laga press statement tey, Commissioner – Sophie para janaishey ki itu Nagaland Medical Council toh hoiley confirm kurishey ekta manu kun toh hoiley Albert P. Lotha koi kena asey, Peter Lotha laga chukra, NST Colony (City Tower), H/No C-169 tey thaka manu, tai medicine practice kuria laga paishey, Dimapur tey, itu Nagaland Medical Council logotey register nathaki kena- kuntu toh hoiley ekta mandatory requirement asey itu Medical Council Act 2014, Chapter-III, Section 16 (6) under tey. Kikon toh hoiley eku valid certification nahoilebi adequate medical training nathaki kena medicine practice kuri thakishey.
Add Comment