New Delhi, 03 May 2025: Cross-border terrorism laka khilaf action loi kina, India ekta dangor step loi dishe: Pakistan para ahibole sob goods import aru transit, direct na hoile indirect bhi, pura ban kuri dishe. Ban etu Pahalgam, Jammu & Kashmir te hoa laka recent terrorist attack piche loi dishe, juntu attack karne Pakistan ke support kora element khan ke dia ase.
India Ministry of Commerce ekta official notification issue kuri dishe, juntu Foreign Trade Policy (FTP) 2023 ke modify kuri, ekta notun rule add kuri dishe. Itu rule naam ase “Prohibition on Import from Pakistan,” aru etu rule te sob goods juntu Pakistan para originate aru export kori ase, kunba import status bhi thaki na thakile bhi, India te ban korishe, next order nahai tak.
Directorate General of Foreign Trade (DGFT) hoile kua ase ki etu restriction national security aru public policy karone laga decision ase. Notification te clear kora ase ki kunubai exception thakile, India Government laka approval lagibo.
Same time te, Ministry of Ports, Shipping and Waterways bhi action loi dishe. Pakistani flag thaka ship khan India laga port te ahibo naparibo, aru Indian flag thaka ship bhi Pakistan port visit naparibo. Itu restriction Section 411 of the Merchant Shipping Act, 1958 laka under impose kora hoishe, juntu India laga shipping assets, cargo aru port infrastructure ke protect kuribo karone ase.
India Government bhi announce kuri dishe ki dangor diplomatic aru strategic steps bhi loi ase, juntu include kore Indus Waters Treaty suspend kura, Attari Integrated Check Post bond kura, aru Pakistan laga High Commission te thaka staff reduce kura.
Etu sob restriction dekhaishe ki India ekdom serious ase terrorism laka, aru Pakistan karone economic aru diplomatic relation freeze thakibo jabole, jitu tak Pakistan action no loi.
Add Comment