Babil Khan Instagram delete kuri dishe

India, 4 May 2025: Irrfan Khan aru Sutapa Sikdar laga bacha, actor Babil Khan, ekta emotional video karone sob jagate chinta uthai dishe, juntu video te tai Bollywood te thaka fake manu khan aru bullying ke loikina kotha koi ase. Etu video Sunday din early morning te Reddit te viral hoishe, aru video te dekha jai ase ki Babil nijor suuku teh Kandi kina kotha koi ase Bollywood te kaam kurile ki beshi mental pressure ase. Video te Babil ekta-ekta naam mention kurishe — Ananya Panday, Arjun Kapoor, Shanaya Kapoor, Siddhant Chaturvedi, Raghav Juyal, Adarsh Gourav, aru singer Arijit Singh bhi. Tai kobole, “Bollywood to f***** ase. Bollywood pura screwed ase.” Aro etu add kurishe, “Bollywood to most fakest, fakest, fakest industry ase juntu moi bhi etu part te join ase. Kintu kunba manu ase juntu Bollywood ke bal banabo bisare.” Etu video delete hoija nahoi agete bhi clips khan Internet te circulate kuri dishe, aru fans khan bishi worried ase ki Babil laga mental health bhal ase na nai. Video delete howa thik te, manu khan Babil laga pura Instagram account bisarishe hoilebe delete kuri kina takishe, juntu fans khan aru alert hoishe. Babil, jun Qala movie te debut kurishe aru recently Logout te dekha dishe, bar bar industry te struggle aru nijor baba Irrfan Khan laga legacy ke loi laka kotha koi thake. Irrfan Khan laga death anniversary te, Babil ekta emotional note post kurishe: “With you, without you. Life goes on… I miss you,” likhi kina takishe. Fans aru Bollywood laga observers khan support aru concern express kuri ase. Babil laga etu khula khuli kotha olai kina mental health, nepotism, aru Bollywood te thaka pressure laga kotha uthi ase.