Priyanka Gandhi convoy rukhai shey, accident victims khan ke madat kuri shey Kerala te

Kerala, 4 May 2025: Congress MP Priyanka Gandhi Vadra, kun tin din visit te ase tai laka parliamentary constituency Wayanad te, tai laka convoy rukhai shey ekta gari accident dikhi kina Kozhikode district te. Priyanka Gandhi Vadra Kozhikode te punchi shey late Saturday din te aro Wayanad te jabo thaki shey tai alak convoy lokot kicha tai hatsa toh dikhi shey. Duita gari lagi shey ekjun ekjun lokot Eengappuzha te. Congress’s Kerala unit pra X te likhi shey, Hatsa toh hoishey kicha gari kute Noushad, Koyilandy laka native aro tai laka ghor manu khan travel kuri thaki shey alak gari lokot lagi shey Eengappuzha te. Congress MP pra doctor mati shey convoy pra jokom hwa manu khan ke sabo leh aro first aid dibo leh, party laka hisap pra. Tadeh video attach kuri shey Vadra jokom hwa manu khan lokot khota kuri thaka. Aro koishey, Tai journey toh continue kuri shey medical team ke direct kuri shey ambulance te convoy te jokom hwa manu ke hospital te loi jabo leh.  Tai laka electoral debut te November last saal te, Priyanka Gandhi Vadra Lok Sabha bypoll jiti shey Wayanad te dangor margin pra 4.10 lakh votes laka. Taike congress pra fielded kuri shey tai laka brother aro party MP Rahul Gandhi, kun seat jiti shey 2019 aro 2024 te, Raeberli seat toh retain kuribo leh chose kura pichideh. Kun toh earlier tai laka ama Sonia Gandhi pra dukhi thaki shey.