May 04, 2025, 06:43 PM: WAVES Bazaar laga inaugural edition loishey, May 1st para 3rd, 2025 tak tey, Mumbai tey. Kuntu toh hoiley ekta bishi bhal para success kuriboley parishey, ekta premier platform hisap establish hoi kena, international business collaboration nimitey, itu creative industry khan tey. Kuntu toh hoiley itu World Audio Visual & Entertainment Summit (WAVES) under tey organize kurishey, itu marketjaga tey business transaction khan ₹800 core para bhi bishi hoi jawa laga record hoishey, koishey, itu Film, Music, Radio, VFX, aru Animation sector khan tey. Deal banawa toh aru bhi hoi thaki kena, itu valuation toh hoiley ₹1000 crore bhi paar kuriboley laga asey koishey, aha olop din khan tey. Itu Bazar laga key highlight toh hoiley Buyer-Seller Market thakishey, kotey, 3,000 B2B meeting khan hoa laga witness kurishey, revenue toh ₹500 crore laga opor jai kena generate kuri kena, itu logotey aru bhi deal khan expect kuri kena close kuriboley, aha din khan tey. Ekta India-Russia collaboration nimitey raasta khuli kena, Only Much Louder (OML) CEO Tushar Kumar aru Gazprom Media CEO Alexander Zharov toh hoiley potential MoU opor tey kotha khan shuru kurishey, cross-cultural festival khan opor tey collaborate kuriboley aru comedy aru music show khan co-produce kuriboley, Russia aru India tey.
PR: Information & Broadcast Laga Ministry: Ekta Groundbreaking Debut, Global Creative Collaboration Tey
Add Comment