May 05, 2025, 04:08 PM: Deputy Commissioner & Chairman, District Level Coordination Committee (DLCC), National Tobacco Control Programme, Kohima B. Henok Buchem, NCS para ekta directive issue kuri di kena asey, COTPA 2003 laga Strict para Enforce kuriboley laga opor tey.
Itu Cigarette aru Alag Tobacco Products Act (COTPA) 2003 laga provisions logotey comply kuri kena, itu Deputy Commissioner, Kohima laga Office para ekta circular issue kurishey, sob bosti laga council khan, municipal/ town wards, government departments, educational institution khan, commercial establishment khan aru itu general public ke direct kuri kena, strict adherence ensure kuriboley, itu Act laga provision khan karney.
Smoke kuria toh hoiley strict para nakuriboley laga asey, itu sob public laga jaga khan tey, government office khan, healthcare facility khan, educational institution khan, public transport, restaurant khan, aru entertainment venue khan. Sapha para “No Smoking” signage khan toh utu area khan tey dhali kena dikhai kena rahiboley lagey.
Sob kisim laga direct aru indirect advertisement, promotion aru sponsorship, cigarette khan aru lag tobacco product khan laga, aru strict para prohibit kurishey. Yatey point-of-sale display kurey, hoarding khan, promotional event khan aru alag ki ki laga means khan kuntu toh hoiley tobacco chulawa ke encourage kuri asey.s
Sob concern thaka authority khan ke direct kurishey, strict para implement kuriboley, itu COTPA Act 2003 laga provision khan laga, tai khan laga respective jurisdiction khan bhitor tey.
Judi kunba dikdari khan pai asey, implement kuria tey, eneka hoi asey, koiley District Nodal Officer, District Tobacco Control Cell, Kohima tey report kuriboley koishey.
Add Comment