United State, 5 May 2025: Donald Trump pra koishey tai pra tai laka government ke direct kuri shey Alcatraz toh aro khuli kin dangor kuribo leh, purana prison ekta island te California laka coast te. Truth Social site te tai alak message te Sunday din te, President Donald Trump pra koishey ki bishi deri karne America khan vicious, violent aro repeat criminal offenders khan pra plagued kuri dishey. Alcatraz wapas khula toh law, order aro justice laka symbol hubo, enika koishey. Prison toh 1963 te bon kuri dishey aro Alcatraz island toh echa tourist site hoi kina operate kuri ase. San Franisco laka Golden gate Bridge osor te ase. Trump pra liki shey, Aji, moi Bureau of Prisons, Department of Justice, FBI aro Homeland Security khan milai kina direct kuri ase ALCATRAZ toh substantially khuli kina aro dangor kuribo leh. Prison toh America laka sopse biya aro violent offenders khan ke rakhibo.
President Trump toh courts khan lokot jakara kuri ase tai laka policy opor te alleged gang members khan ke prison te phata karne El Salvador te. March te, tai 200 opor alleged Venezuelan gang members laka groups tadeh phatai dishey. Tai khota b kuri shey “homegrown criminals” khan ke phata boleh foreign prisons te. Alcatraz toh originally naval defence fort thaki shey aro wapas banai shey early 20th century te military prison nishina. Department of Justice khan 1930s te loi dishey aro convicts khan lwa shuru kuri shey federal prison system pra.
Prison toh famous kuri dishey 1962 film Birdman of Alcatraz pra, starring Burt Lancaster, convicted murderer Robert Stroud laka, kun life sentence serve kura timet prison island te chiriya laka interest hoi jaishey aro last te expert ornithologist hoi jaishey. 1996 film The Rock laaka jaka b thaki shey starring Seam Connery aro Nicolos Cage.
Add Comment