Imphal, May 8, 2025: Manipur laga pura District te. Search Operations khan kurishe koishe. Aru Security Forces khan para Banduk aru Militants khan ke arrest kurishe koishe.
Gwarok Hill Range laga Bengi Bosti osor te. Securty khan para .303 Banduk rifle aru Magazine, Four No.36 Hand Grenades, Ekta Pompi Banduk duita Live Rounds INSAS guli, ekta INSAS LMG Magazine, ekta Camouflagelong pant aru Camouflage Shirt paishe koishe.
Aru May 7, 2025 din te. Manipur Police khan para Arambam Birkumar (47) ke arrest kurishe koishe. Tai toh KCP laga group member ase koishe. Etu toh Iramsiphai Leirak Ashangba laga Thambaleima High School osor te durishe koishe. Tai toh relief Camp te thakhishe. Aru Government officials, banks, Brick Kilns aru General Public khan ke damki dikina Poisa mangi thakhishe koishe. Tai laga haat para duita mobile handsets, Aadhaar card aru Rs 3,530 Cash paishe.
Aru May 6 din te, Police khan para Oinam Sanamacha Meitei (27) ke arrest kurishe koishe. Tai toh KCP laga Group member ase koishe. Taike Imphal West District laga Awang Khunou Mayai para durishe koishe. Tai laga haat para bike, green bag, mobile phone , duita SIM Card aru Rs 50 bi paishe koishe.
Add Comment