Andhra Pradesh, 9 May 2025: Enforcement Directorate (ED) khan pra money laundering case registered kris hey connection te alleged Rs 3,200 crore liquor scam te Andhra Pradesh te. Agency toh possibility consider kuri ase case register kuribo leh Prevention of Money Laundering Act (PMLA) laka under te key individuals laka against te kun report kuri shey alleged scam te involved hwa laka. Irregularities toh reportedly hoishey previous YSRCP government laka tenure time te state te. Officials khan potential evidence toh examine kuri ase kunba manu khan laka opor te investigation laka under te.
Federal agency khan Special Investigation Team (SIT) chief aro Vijayawada Police commissioner ke likhi shey, details huti kina case laka, FIR aro alak related document milai kina. ED khan liquor agents, vendor aro government officials laka roles b examine kuribo investigation laka hisa hoi kina. ED laka action toh First Information Report laka opor te based ase Economic Offences Wing of Andhra Pradesh CID pra filed kura September 2024 te. Ekta Special Investigation Team, Telugu Desam Party-led government pra bana toh already investigate kuri ase case toh IPC Section 409 (criminal breach of trust by public servants), 420 (cheating), aro 120-B (criminal conspiracy) laka under te.
SIT, Andhra Pradesh government pra instituted kura alleged scam toh probe kuribo leh, Kasireddy Rajashekar Reddy ke dhuri shey, main suspect case te, Rajiv Gandhi International Airport (RGIA) te Hyderabad, Telangana, te April 21 te. SIT khan pra several manu laka nam loishey taikhan laka investigation te, Kasireddy milai kina, kun ke ‘scam laka kingpin’ mateh. Kasireddy toh IT adviser hoi kina serve kuri shey purana chief minister YS Jagan Mohan Reddy nimite. Kasireddy pra admit kris hey excise policy formulate kura purana chief minister Jagan Mohan Reddy laka approval lokot revenue generate kuribo leh government aro party karne. Hoileh b tai mana kuri shey confessional statement sign kuribo leh, report pra koishey.
Add Comment