New Delhi, 10 May : Sharmila Tagore laga acting journey shuru hoisey The World of Apu (1959) te. Tai Satyajit Ray logot aru bhi dangor-dangor film te kaam korise—Devi (1960), Nayak (1966), Aranyer Din Ratri (1970), aru Seemabaddha (1971) juna. Etiya tai jabo ase Cannes Film Festival 2025 te ekta special screening attend koribo. Organisers khan Thursday te koise ki Satyajit Ray laga 1970 film Aranyer Din Ratri laga 4K restored version Cannes te Classics section te dekhaibo, juntu film te Sharmila Tagore bhi role loise.
Sharmila Tagore, juntu Satyajit Ray logot onek film te kaam korise, Cannes 2025 te red carpet te Simi Grewal logot chalibo. Simi bhi Aranyer Din Ratri te important role loise. Itu bisoye kotha koi, Sharmila koise, “Bohut bhal lagise ki Manik da (Ray) laga Aranyer Din Ratri restore kori Cannes Film Festival te world premiere koribo. Moi khushi pai ase ki moi Cannes jabo parim film present koribo.”
Purana din laga kotha morom pori, tai koise, “Moi Aradhana laga shooting te thakise jitu time te Manik Da moi logot contact loise itu film karone ek mahina laga shooting karibo karone. Bahut garmi thakise, tai amikhan morning aru late afternoon te he shoot koribo parise. Moi laga co-actors logot thaka time laga bhal-bhal memory ase. Manik Da laga accuracy, especially jiman bhal se memory game sequence shoot korise, etiya bhi bishwas nai hoi.”
Sunil Gangopadhyay laga novel upore based itu Bengali language film critics khan para bhi onek praise paise. Film laga English naam hoise Days and Nights in the Forest. Satyajit Ray laga itu film te actor khan juntu thakise—Soumitra Chatterjee, Subhendu Chatterjee, Samit Bhanja, Robi Ghosh, Aparna Sen, Sharmila Tagore aru Simi Garewal.
Add Comment