Los Angeles, 10 May : Britain laga Sussex royalty, Prince Harry aru Meghan Markle, recently Beyoncé laga Cowboy Carter Tour te Los Angeles, USA te dekha dise. Concert te date night enjoy korithaka duti jon laga photo aru video social media te viral hoise.
Beyoncé laga Cowboy Carter Tour laga paanch din laga LA residency last night te khotom hoise. Onnek celebrities, juntu te Harry aru Meghan bhi thakise, itu concert attend korise. Ekta maya picture te dekha jai ase duti jon concert te ek dusra logot closeness enjoy korise. Meghan ekta blue tight dress porise, ar Harry cowboy hat pori Beyoncé laga concert theme te fit thakise.
Ekta fan para tulise video te dekha jai ase Meghan pura enjoy kori natchise, aru Harry music laga beat te matha hulaise. Keith Powers, Marsai Martin, Shanina Shaik, Madison Pettis, Andrew Matarazzo, Lukas Gage aru Billie Lourd bhi concert attend korise, nijor experience Instagram stories te share kori le nai to fan khan para photo tulise. Meghan aru Harry laga kotha kole, dekha jai ase ki duti jon ekta bhal date enjoy korise.
Add Comment