Dimapur Tey, Urban Development Engineering Wing Khan Raasta Khan Repair Kuriboley Shuru Hoishey

May 11, 2025, 07:59 PM: Urban Development Engineering Wing toh hoiley raasta repair kuriboley shuru kurishey, Dimapur tey. Raasta repair kuria laga kaam toh hoiley Urban Development Dept. para undertake kuria laga asey, SASCI Scheme under tey. Itu kaam toh hoiley Zkahai & Co ke kuriboley dishey, tender process para, May 2 tey, construction toh hoiley May 3 tey para shuru kuri kena. Raasta repair kuria laga kaam toh hoiley City Tower para DC Court Junction & Dhobinala Para Khermahal Police Point tak progress hoishey. Raasta khan repair kuria laga kaam toh hoiley raati tey hey kuri jai asey, kiley koiley raati tey traffic aha jawa kuria toh nathakey: Er. Tinuwati Longkumer para koishey. Kaam laga order issue kuri kena thaka toh hoiley, Khermahal Junction para Tragopan Junction tak laga asey. Sewak raasta para Faith Hospital tak laga raasta toh hoiley complete hoi jaishey & proposal toh hoiley submit kurishey.