May 13, 2025, 05:53 PM: Aru bhi dangor coordination ensure kuriboley laga view tey, itu sob Government Office khan laga bhitor tey, itu Sub-division tey, itu sob Office khan laga Head khan laga meeting loishey, Jalukie Sub-division tey, Jalukiel aga ADC Officer laga DB laga Court tey, 13th May, 2025 tey. Alaga lag matter khan opor tey kotha kurishey, itu Sub-division laga concern tey. Itu meeting toh hoiley ADC Jalukie, Albert Ezung para chair kurishey.
Itu meeting shuru kuri kena, ADC para tai laga sincere thanks janaishey, itu sob officer khan ke, thik homoi tey jai kena itu meeting tey attend kuria nimitey.
Tai para itu house ke inform kurishey, itu Agriculture aru Farmers’ Welfare nimitey Union Minister, GoI – Shivraj Singh Chouhan visit kuriboley laga schedule hoi kena thaka opor tey, itu Veterinary Sciences aru Animal Husbandry, Jalukie laga College tey, Peren district laga, 15th May, 2025 tey.
Itu meeting tey key note agenda khan discuss kurishey, Government mati encroachment laga issue opor tey kotha kotha kurishey, itu sub-division tey. Office khan laga alag alag Head khan para itu mati encroachment issue face kuria laga highlight kurishey, tai khan laga respective department khan para. Itu laga regard tey, ADC para point out kurishey ki, itu toh hoiley concerned department Officer khan laga duty asey, safeguard kuriboley aru protect kuriboley tai khan laga respective department khan laga mati toh, alag bahar laga party nahoilebi encroacher khan para.
Add Comment