Meghalaya, 13 May : Meghalaya Sports Minister Shakliar Warjri Nongsder te synthetic football turf laga foundation stone rakhi dise, juntu Ri Bhoi district te duita saal bitore second facility hobo.
Rs 10 crore laga itu project te fencing aru infrastructure thakibo, aru itu Meghalaya sorkar laga current budget te sports development karone rakha Rs 1000 crore allocation laga ek hissa ase.
Ceremony te Minister Warjri Ri Bhoi district laga young football players khan laga emerging talent ke highlight korise aru rajya te ekta full sporting ecosystem develop koribole sarkar committed ase koi janai dise.
Minister eitu event te Jeffery Kharmawlong ke bhi felicitate korise, jun recently Delhi te May 3-11 bitore hoba XXIII Asian Arm Wrestling Championship aru XXII Asian Para Arm Wrestling Championship te India karone duita bronze medal jiti aise.
Umroi Constituency laga MLA Damanbait Lamare, guest of honour hishap te thaka, koise ki itu facility Eastern Ri Bhoi te first type hobo aru youth khan ke itu constructively use koribole encourage korise.
Chief Secretary DP Wahlang suggest korise ki venue te lighting aru solar-powered systems install kora jaai, aru community leaders ke facility karone ekta revenue model develop koribole advice dise. Tai January 21, 2026 — Meghalaya Day — ke target completion date hishap te set korise.
Ceremony Department of Sports & Youth Affairs, Dorbar Shnong Nongsder aru Nongsder Social Cultural & Sports Association laga collaboration te organise kora hoise. Village headmen, local officials, teachers aru students bhi itu event te attend korise.
Add Comment