Tripura, 13 May : Tripura Chief Minister Manik Saha May 13 tarik te koise ki etu saal 2024 te rajya laga overall crime rate 2023 te tulona te 19.4% komi jaise. Tai etu bhi warning dise ki jodi kunuba social media misuse kore, tai upor strict action lobole paribo.
CM Saha etu kotha koise Rabindra Shatabarshiki Bhavan, Agartala te hoba Offer of Appointment programme te, juntu Tripura Police laga constable (men aru women) post karone organize kora hoisey. Ahi programme te 975 appointment letter diya hoisey — 332 women aru 643 men ke.
Tai koise ki recruitment process upor bisi speculation ase aru bisi log question uthaisey, kintu etu government time te kaam kore. Jun jun aj appointment letter loise, etu tai khan karone ekta memorable din ase. Tai bhi koise ki sob manu nijor hard work te etu job paise, aru etu job third-party influence te paise buli koi kowa nohoi pare. Etu government merit aru transparency upor base kori kene job dise.
Social media misuse laga kotha te, tai koise ki ajikal log nijor mon motabik social media te post kore, kintu etu sob monitor kora hoise. Kunuba limit thakibo lage, nai hoile strict action lobole paribo. Tai bhi koise ki state government hokol kotha data aru actual information upor base kori kene kaam kore.
Tai koise ki women laga safety upor bhi attention diya hoise, juntu karone sob police station te Women Help Desk khuli dise. Road accident aru drug addiction bhi control te ase. Tai koise ki etu government law aru order upor serious ase aru youth khan ke ekta bhal future dibole try kori ase.
Add Comment