US, 14 May 2025: Lagbhag 30 sal pasot te, Mission: Impossible – The Final Reckoning movie te 1996 laka ekta character, Jim Phelps, wapas ahibo pare report koi asey ScreenRant aru CBR pora. Kotha ase, etu movie te Phelps aro kotha ekta dangor twist logot ulabo.
Younger fans khan karone etu dangor kotha nohoi. Kintu jun khan original Mission: Impossible TV show dekhi ase, olop dangor dhoka ase. TV show te Jim Phelps, jun Peter Graves pora act kori thakishe, IMF (Impossible Mission Force)laka leader ase. Tai, 1996 laka movie te Phelps (Jon Voight pora act kora) betray kori thaka dekhaishe, aru etu beshi fans ke duk dishe.
Movie te, Phelps surute mori jaikina dekhaishe, kintu pisot reveal hoishe ke tai IMF laka against ghuri jaishe, karon tai biswas korishe ke IMF bhal direction te nai. Actor Peter Graves etu karone role loi nai, karon tai biswas korishe ke Phelps kitia bi betray nokoribo. Baki original actors khan bhi dukhi hoishe—Greg Morris 40 minute pora movie chari dishe, aru Martin Landau script ke “disrespectful” koishe.
Movie te, manu khan suspect hoishe Kittridge aru Ethan Hunt aru friends khan logot, kintu Phelps logot nohoi. Tai etu twist aro beshi shocking hoishe.
Etu pora,kuntu villain—Solomon Lane nai August Walker hoilebe—Phelps nishina impact anibo napare. Jodi The Final Reckoning te Phelps asol wapas ahibo, flashback, clone na digital form te, etu 29 sal pora ekta dangor twist hobo.
Fans khan etia wait kori ase ki next impossible mission te ki hobo.
Add Comment