Agartala, May 15, 2025: Yete Government khan mun dikina kaam kurea ase. Hoilebi Yete etea bi rasta khan nimete accident khan toh hoi ase koishe. Yete Wednesday din te. Scooty te 3da manu thakhishe koishe. Etu laga lagi kurea toh Palatana Shitlabari jagate hoishe koishe.
Yete Police khan laga khobor hisab te. Etu 3da sathi toh Jayanta Debnath (25), Prankrishna Giri (26) aru Sagar Debnath (25) ase koishe. Yete taikhan Udaipur te jai thakhishe koishe Scooty para, aru Palatana jaga para ulai thakhishe. Yete taikhan ja homoi te. Agea para Bolero toh rasta chutu te speed para ahi kina. Face to face lagishe koishe.
Yete 3da sathi khan bi rasta te girishe. Aru jokhum paikina, bikhai kina hala kuri thakhishe koishe. Yete Local manu khan para Gomati District Hospital te loi jaishe koishe. Hoilebi yete Jayanta Debnath toh muri kina anishe, koi kina janai dishe. Aru yete Prankrishna Giri toh GBP Hospital te ase, Agartala laga, aru Critical Halat te ase koishe. Aru Khobor hisab te. Sagar Debnath toh eman bishi jokhum khanai koishe. Aru tai ke toh Gomati District Hospital te ase koishe Udaipur laga Tepania te.
Police khan para janai dishe ki. Etu Bolero Gari accident kurea laga toh janishe koishe. Aru Gari toh uthia lobo, aru Driver kebi duribo koishe.
Add Comment