Nagaland, 15 May 2025: Nagaland State Disaster Management Authority (NSDMA) pora aa laka din khan karone weather update issue kori dishe.
15th May pora 21st May 2025 tak, Nagaland laga sob district te halka barish aru cloudy moderate barish ahibole expect kori ase. 18th May 2025 te sob district te heavy barish ahibo predict kori ase.
Etu barish logot konba jagah te bijli bhi ahibo pare. Etu time period te sob district te barish giri thakibo koi expect kori ase. Etu karone, important ase ki public sob precaution lobole lage— bijuli aru strong hawa pora bachi kina thakibo lage, juntu communication aru connectivity te problem ulai paribo.
NSDMA, Home Department pora public ke request kore ki etu time period te careful thakibo, jate kunba danger na ahibo. District Disaster Management Authority khan aru baki department khan ke bhi alert te thakibo koishe, jate monsoon season te manu aru property safe ja thakibole.
Add Comment