Notun Madhaya Pradesh Assembly logode 187 ‘Crorepati’ Legislators ase

New Delhi, 15 December: Madhya Pradesh Election Watch aro Association for Democratic Reforms (ADR) pora kowah toh, notun junideya 230-member legislative assembly deh, total 187 MLAs khan toh multi-millionaires nahoile  ‘crorepatis’ ase aro total number laga deh 41 percent toh tai khan logode kelaaf korikena criminal cases ase. Rs 1 crore pora be besi poisa thaga janaideya toh, Bharatiya Janata Party (BJP) laga 109 MLAs deh 91(84 per cent) pora, Congress laga 114 MLAs deh 90(79 per cent) pora, Bahujan Samaj Party (BSP) laga 2 MLAs deh 1 (50 per cent), Samajwadi Party (SP) pora ekta MLA aro 4 independent MLAs pora janaise.  Madhya Pradesh 2018 deh ekta MLA logode nainai koile be Rs. 10.17 crore ase. 2013 deg saijaile Rs. 5.24 crore thakise. 114 Congress MLAs laga deh nai-nai koilebe Rs. 9.41 crore thakise. 109 BJP MLAs logode average Rs.11.16 crore thakise aro 4 Independent MLAs logode average Rs. 9.24 crore thakise. Ekta side deh,  Vijayraghavgarh constituency laga BJP’s Sanjay Satyendra Pathak pora assets Rs. 226 crore pora besi thaga janaise. Etu pora tai toh MLA khan majode sobse besi wala asset bonaise. Tusara side deh, Pandhana constituency laga BJP MLA, Ram Dangore ke sobse komti asset Rs. 50,749 thakise. Analysis pora be Rs. 1 crore opor deh thaga 16 MLAs laga naam janaise. Analysis khobor hesab deh, 47(20 per cent) MLAs khan logode criminal cases toh, moraideya, moraidebole kosish kora aro maike khan logode kelaaf korikena crime kora khan ase. Etu opor deh 6 MLAs pora murder koribole kosish kora janaidekena ase aro Multai constituency laga ekta  Congress MLA, Sukhdev Panse logode murder(IPC Section 302) laga case ase. 3 MLAs pora be maike khan logode kelaaf korikena crime kora cases janaidekena ase. Tusara party khan pora be crime kora janaidekana ase. Thursday din Congress pora Kamal Nath toh Madhaya Pradesh laga notun chief minister naam janaise. Tai toh December 17 direk deh wada koribole ase.