Imphal, May 16, 2025: Manipur Police aru Security Forces khan May 14 aru 15 din te operation kurishe. Yete taikan 8 Militants ke arrest kurishe koishe. Taikhan ke alak alak Districts para durishe. Aru taikhan bi alak alak Group para ase koishe.
May 15 din te. Security Forces khan para Nanao Singh (39) ke Laishram para durishe. Tai toh PREPAK laga Group member ase. Tai laga haat para banduk paishe. .303 Rifle, Charta Modified Single Bore action Rifle, .303 laga 54 guli aru Grenade paishe koishe.
Aru eki din te. Security Froces khan para Duita UNLF group member ke durishe. Etu toh Imphal East District para durishe koishe. Taikhan Loushigam Singh aru Laishram Singh ase koishe. Taikhan laga haat para .32 pistol aru guli paishe.
Aru 3da manu ke durishe koishe. Thoubal aru Imphal Districts para. Taikhan majote ekjun toh, Khundrakpam Brojen Singh (53) ase koishe. Aru tai toh KCP laga Group member ase. Taikhan Valley jaga khan te. Educational Schools khan ke damki dikina poisa mangi thakhishe koishe.
Add Comment