Imphal, May 17, 2025: Security Forces khan para Manipur te. 7 Militants manu ke arrest kurishe koishe. Taikhan ke alak alak Districts para durishe koishe. Yete Thoubal, Kakching, Bishnupur, Churachandpur, aru Imphal East khan te.
Yete Duijun toh PLA laga Group member ase koishe. Tai duijun toh RK Mubisana Meitei (47) aru Moirangthem Naresh Singh (28) ase koishe. Tai duijun ke Thoubal laga Leirongthel Prita para durishe koishe. Taikhan toh Manu ke damki dikina birai thakhishe koishe. Tai duijun laga haat para .32 mm pistol aru 7 guli bi paishe koishe.
Aru Bishnupur District te. Police khan para Moirangthem Chinglen Singh (44) ke arrest kurishe koishe. Tai toh UNLF laga Group member ase. Taike tai laga Ghor Kangmong Meisnam Maning Leikai para durishe koishe.
Aru Kakching District te alak UNLF kebi durishe koishe. Asem Nanao Singh (31) ke. Taike Lamdong para durishe. Taibi Manu ke Damki di thakhishe.
Imphal East laga Minuthong jagate, UNLF laga Member Waikhom Rajesh Singh(32) kebi durishe. Aru Churachandpur para CKLA laga David Ngamjang (25) kebi durishe. Aru tai laga haat para 9mm pistol aru 3da guli bi paishe koishe. Alak militants khan toh KCP para ase koishe.
Add Comment