Agartala, May 17, 2025: Yete May 15, Thursday din te. Yete ekta House-Wife Anamika Acharjee (25) toh muri kina paishe koishe. Tai toh bacha maiki bi ekta ase koishe. Tai toh tai laga ghor Durga Chaumuhuni te muri kina paishe koishe. Agartala te.
Yete GBP laga Doctos khan para kobo napare ki. Tai toh nijor ke muraishe na, alak manu para taike muraishe. Yete Tai laga Matha laga pichete jokhum hoi kina thakhishe koishe.
Police khan laga hisab te. Anamika toh Belonia para ase. Aru tai toh Santanu Bhattacharjee Rahul ke shadi kurishe koishe. Aru taijun Shadi hoi kina 4 saal hoishe koishe. Aru tai laga bacha maiki bi ekta ase. Tai toh B-ED kuri thakhishe koishe Calcutta College te. Aru Agartala te wapas ahishe koishe Wednesday din te. Aru yete Tai laga Muta Rahul toh Thursday phuzur te. Bank te jaishe koishe Motor Bike para.
Aru tai Bank te kaam kurea homoi te. Maiki laga Baba para call kurishe koishe. Yete taighor te phat jai kina punchishe. Hoilebi tai ghor te punchea homoi te. Tai laga maiki ke GBP laga Hospital te loi jaishe koishe. Tai laga matha laga piche para khun ulai kina. Police khan para bi Most-Mortem karne rukhea ase koishe. Yete Murder ase na nijor ke muraishe janibole nimete.
Add Comment