Manipur, 17 May 2025: Dosta Kuki-Zo MLA aru civil society group aru armed group laga leaders sob koi ase ki taikan political demand upor te India government logot kotha nakoribo,bhal political kotha suru nakura tak. Etu decision ekta private meeting te loishe, jun Friday din Guwahati te loi loishey.
Joint statement te, tai sob janai dishe ki Union government ekta thik thak political dialogue shuru nakura tak taikan laga representative pora kotha nakoribo. Etu Kuki-Zo leaders, jun majot BJP laga saat jon MLA ase, sob ekta alag administration mangi ase, Union territory nishena,Manipur te Meitei aru Kuki-Zo community laga violence May 2023 te start hoi kina.
Etu conflict te 260 pora beshi manu morishe aru lagbhag 60,000 manu laga ghor chari jabole hoishe. Kuki-Zo Council (KZC), jun Kuki-Zo community laga main representative body ase, Friday laga meeting organize kori she. Poila May 13 te Churachandpur te bhi ekta meeting loishe, aru taikan sob wapas ekta administration Puducherry nishena demand kori she.
KZC koi she ki sob ekta thaka laga decision loi she, karon Manipur te notun government banabo nimite koshis kori ase. February month pora Manipur President’s Rule te ase,aru Chief Minister N. Biren Singh resign kori dishe. BJP aru tai laga allies notun government banabo nimite try korishe.
Meitei manu sob Imphal Valley te thake, aru Kuki-Zo community sob hill district te thake. Jodi bhi violence ekdom kom hoishe, duita side laga manu ek jon laga area te safe jabo napare. Aji tak etu problem laga solution naipai.
Add Comment