India, 17 May 2025: India ekta plan kurishe jate Ranbir canal, junto Chenab nodi te thake, olop dangor kora jabo Indus Water Treaty suspend kora pichete. Etu step to loishe Pahalgam attack howa pichete, aru India treaty toh stop korishe. Official khan koi ase, etu main aim toh hoishe India juntu pani pabo, etu ke full use koribo karone.
Aji tak India olop pani use kurishe Chenab nodi pora,aru etu bhi kheti karone beshi cholaishe. Kintu, treaty rukhi thaka karone, India government pora pani beshi cholabole mon ase—especially bijuli banabo karone. Ekjon senior official koishe, etu pora India laka bijuli dorkar pura koribo karone upai hobo.
India etia tak 3,000 megawatts bijuli produce kurishe rivers pora juntu alak din Pakistan use kurithake. Etia, India laga plan ase etu capacity toh barhabole. Ekta study hobo juntu power aru banabole kina check koribole lagibo.
Ekta dangor step aru Ranbir canal laga length 120 km increase jabo lagi ase. Karone etu infrastructure banabo time lage, sob department khan ke joldi kaam kuribole koi dishe. Official khan aru koishe, Kathua, Ravi aru Paragwal canal te desilting kaam start hoishe.
Indus Waters Treaty to 1960 te sign kora hoishe World Bank laga help pora. Etu treaty te Indus nodi system ke divide kora hoishe India aru Pakistan majote. Eastern rivers (Ravi, Beas, Sutlej) India ke dishe, aru Western rivers (Indus, Jhelum, Chenab) Pakistan ke dishe.
India koi ase, treaty to suspend kuri thakibo Pakistan cross-border terrorism support kora stop nakura tak.
Add Comment