Manipur Police para Ekta Manu Peacock laga Pankha Myanmar te Smuggle kuribole laga Durishe

Imphal, May 18, 2025: Manipur Police khan para yete ekta manu ke arrest kurishe koishe. Yete Etu muta toh Indo-Myanmar Bode rte. Peacock Chiriya laga Pankha toh pathobole thakhishe koishe Myanmar te. Etu Arrest toh May 17 din te kurishe koishe. Etu toh Kakching District laga Pallel Police Station Gate osor te. Etu manu lagan am toh Md. Sharifuddin ase koishe. Aru tai toh 24 saal ase. Tai toh Tengnoupal District laga Mored Ward No.5, Muslim Nagar Laibuk Leikai. Moreh Police Station laga bitor te thakhea manu ase koishe. Aru tai toh Myanmar Border te Etu saman khan pathabole thakhea homoi te durishe koishe. Tai logote Documents khan thik thak nathakhea nimete. Etu Operation homoi te. Police khan para Charta Plastic bosta paishe koishe. Yete ekta Bosta te 18 bundle nishina ase koishe. Tate Peacock Chiriya laga Pankha khan ase koishe. Aru yete Sob milai kina 72,000 shafts ase koishe. Yete Etu saman toh 142 kilograms nishina ase koishe. Aru yete etu pankha khan, International Market te Rs 37 lakh nishina ase koishe. Aru ekta Gari durishe koise. Etu gari para saman khan toh loi jabole thakhishe koishe.