‘Spy” YouTuber nijor video pra outed hoishey, link expose kuri shey

Haryana, 18 May 2025: Haryana -based YouTuber Jyoti Malhotra, kun travel vlog channel chulai nam “Travel with JO”, taike dhuri shey sensitive information pass kura laka charges opor te Pakistani intelligence operatives khan ke. Tai laka video toh scrutiny under te ahishey arrest hoi kina, aro ekta pra janai dishey tai laka links Pakistani official ke High Commission te India te. Last saal, Malhotra pra accept kuri shey taike “special invitation” mari shey Pakistan High Commission pra Iftar dinner attend kuribo leh. Tadeh tai jaishey aro video share kuri shey event laka, etu pra dikhai shey kina tai comfortably engage kuri shey High Commission official lokot kun ke tai Danish koina identify kureh. Ekta pre-existing familiarity suggest kureh tai jun laka bitor te. Government pra Ehsan-ur-Rahim alias Danish, persona non grata declared kuri shey aro expelled kuri shey May 13 te, espionage laka charges te. Investigation pra jani paishey ki Malhotra toh close relationship banai shey Danish lokot trip time te Pakistan te 2023 te visa banai kina commission agents laka madat pra. Alleged kuri shey ki Danish pra ase kun Malhotra ke kisim kisim Pakistani Intelligence Operatives (PIOs) lokot introduced kuri shey. Video te dikhi shey Malhotra ke Danish pra received kura event te punchi shey aro tai lokot jaishey venue te. YouTuber ke kwa huni paishey, Moi eman kushi ase taike aro arrangements khan te dikhi kina. Venue te gusi kina, Danish ke dikhi shey taike alak guests ke introduced kura. Koishey, Tai toh youtuber aro vlogger ase. Tai laka nam Jyoti ase. Tai laka channel laka nam Travel with Jo ase. Tai 100k opor subscriber ase. Iftar party te atmosphere toh aro explain kuri kina tai pra video te koishey, Sabi arrangements toh embassy te this time toh. Moike mesmerise kureh. Moi over he excited ase.