Seppa, May 19, 2025: Yete 60 saal manu toh Nisham Taku ase koishe. Aru taike East Kameng District laga Police khan para Sunday din te arrest kurishe koishe. Yete tai para 5 saal bacha ke rape kurea nimete. East Kameng SP Kamdam Sikom para janai dishe ki. Etu complaint toh bacha laga Ama para kurishe koishe May 17 din te. Yete koishe ki. Tai laga bacha maiki ke May 13 aru 15 din te Sexually Assult kurishe koishe. Etu toh New Seppa laga Vikash Colony te thakhishe koishe.
Yete Section 65 (2) of Bharatiya Nyaya Sanhita (BNS) 2023, Section 6 of protection of Children from Sexual Offences (POCSO) Act, 2012 laga bitor te case toh registered kuri dishe koishe. Aeru Police khan para phat etu manu ke arrest kuri dishe koishe.
Yete janibole parishe ki. Etu bacha para tai laga ama ke. Private part bikhai ase koi kina complaint kuri thakhishe koishe. Yete tarika kurea pichete bacha para etu jamala hoa laga toh janai dishe koishe. Aru bacha kebi damki dishe koishe, tai laga family khan ke janibole nadibo nimete.
Bacha laga private jagate jokhum hoi kina ase. Aru etea Medical Treatment te ase koishe. Aru janibole bi parishe ki. Etu muta toh taikhan laga khandan he ase koishe.
Add Comment