Rajgir, 20 May : India hockey federation laga ekjon top official Tuesday din janai disey ki Pakistan laga Asia Cup te khelibo ni nai, itu bisar te India desh te hohobole thaka tournament te, India sarkar laga guideline he follow korishey, karon duita desh majot recent te military conflict korisey.
Pahalgam terrorist attack, juntu te 26 jon manu morise, itu laga pichute border te intense fighting korisey, aru eneka situation te IPL bhi thora time suspend korisey. Tai pichute duita desh majot ceasefire agree korisey.
Asia Cup August 27 pora September 7 tak Rajgir, Bihar te rakhibo kowa ase.
Duita din age, Pakistan Hockey Federation (PHF) laga ekjon senior official koi disey ki taikan continental hockey body ke koi dise ki Asia Cup te participate koribo karone Pakistan team laga visa guarantee dibole lage, karon itu tournament to next year Netherlands aru Belgium te hobole thaka men’s FIH World Cup karone qualifying tournament ase.
Kintu Pakistan laga Asia Cup te participation opor abhi bhi doubt ase, duita desh majot tension thaka karone.
Add Comment