Manchester, 20 May : Manchester United Europa League final laga aage din ekta dangor fitness boost pai ase, karon Joshua Zirkzee, Diogo Dalot aru Leny Yoro Tuesday din training te wapis ahise.
Ruben Amorim laga team Tottenham logot face koribo laga ase Europa League final te, juntu all-English showdown hobo Wednesday din Bilbao te.
Zirkzee April mahina te Newcastle logot match te hamstring injury loi season baaki pura miss koribo buli kowa hoisey thakile bhi, Dutch striker United laga last eight matches miss korar pichute aboi available hobo pare.
Portugal laga full-back Dalot calf problem karone chhota match miss korisey, aru France defender Yoro bhi last Friday din Chelsea logot 1-0 hara match te foot issue karone khel nai.
Itiya itu tinjon player Tuesday din Carrington te team-mates logot training korise, kintu Dutch centre-back Matthijs de Ligt aboi visible nohoi, juntu tinita game pora undisclosed problem karone bahar ase.
United Tottenham logot San Mames stadium te face koribo, juntu match te Amorim laga first trophy jitibo chance ase, aru domestic campaign to bachaibo laga ase.
Amorim, juntu November te sacked Erik ten Hag laga jagat ahise, United ke Premier League te 16th position te loi ahise — juntu 17th-placed Tottenham te ekta point upor ase.
Jodi United Tottenham ke harai, taile silverware jeetibole nohoi, Champions League 2025 season karone bhi ekta dangor qualification pabo.
Add Comment