Mizoram, 20 May : Mizoram etiya ULLAS (Understanding Lifelong Learning for All in Society) initiative under te India laga prothom pura literate state hobo declare kora hoise. Idu announcement Mizoram University (MZU) Auditorium te ekta celebration program te Chief Minister Lalduhoma pora kora hoise.
Tai itu achievement ke ekta “transformational milestone” buli koise, aru Mizoram karone dangor garv laga somoi buli describe korisey. “Idu sirf ekta statistics nohoi, kintu amikhan laga discipline, determination, aru vision laga proof ase,” buli tai koise.
Chief Minister 1,692 jon adult learners ke bisi appreciate korisey — jun khan personal aru society laga barrier cross kori late te education pursue korise.
Tai koise ki idu announcement last step nohoi, baru ekta notun shuruwaat ase. “Idu opportunity, empowerment, aru inclusion laga ekta notun subah hobo,” buli tai koise, aru logot logot citizens khan ke digital literacy, financial literacy aru entrepreneurship pursue koribo karone inspire korisey.
Event te Union Minister of State for Education, Skill Development & Entrepreneurship, Jayant Chaudhary, aru Mizoram laga Education Minister Dr. Vanlalthlana bhi guest of honour hisebe thakise. Chief Secretary Khilli Ram Meena event chair korise aru welcome speech disey.
Union Minister Jayant Chaudhary Mizoram laga public ke congratulations disey, buli koise ki idu sirf Mizoram nohoi, pura desh karone bhi ekta proud moment ase. Tai Mizoram laga inclusive education approach ke praise korisey aru koise ki state etiya lifelong learning aru skill development te bhi lead koribo.
PLFS 2023–2024 laga report hishab te, Mizoram 98.2% literacy rate achieve korise, juntu ULLAS laga 95% requirement par kori diye, aru tai fully literate state hobo qualify korisey.
Idu success School Education Department under State Literacy Mission Authority laga coordinated effort karone possible hoise, juntu Samagra Shiksha aru New India Literacy Programme (Nav Bharat Saksharta Karyakram) pora support payse. State Centre for Literacy (SCL) under SCERT bhi Mizo aru English language te learning material develop korise specific districts karone.
Campaign te volunteerism bhi dangor role play korisey. 15 saal aru upor laga 3,000 jon illiterate manu identify kora hoise, aru 1,692 jon literacy program join korisey. Classes 292 jon Volunteer Teachers pora schools, community halls, libraries, aru zarurat te manu laga ghar te bhi diya hoise.
Idu declaration pora Mizoram etiya ekta educational progress aru inclusive development laga example bani jaise, aru baki Indian states khan karone ekta precedent set korisey.
Add Comment