Manipur, 20 May : Manipur te journalist khan Monday din Imphal te ekta protest rally korise, juntu Ukhrul district te thaka Shirui Lily Festival cover koribo ja thaka media team ke central security forces pora rokhi dise buli strongly condemn korise. Protest logot logot, journalist fraternity declare korise ki May 21 te publication suspend kora hobo aru government program bhi boycott kora hobo.
Idu protest itu karone uthise, karon ekta media team, juntu ekta “Manipur State Transport” mark thaka government bus te travel korise, taikhan ke Imphal East te thaka Gwaltabi checkpoint te rokha hoise — juntu Imphal pora 25 km dor ase. 4th Mahar Regiment laga personnel khan taikhan ke vehicle te thaka state branding dhaki lobo nimite instruct korise buli report aase.
Media team, juntu Directorate of Information and Public Relations (DIPR) pora organise kora festival laga inaugural function cover koribo ja thakise, koise ki state bhitor te thaka ekta government name ke dhaki boloi demand kora to ekta concern ase. Idu interference hishab te dekhi, taikhan Imphal te wapas ahise aru assignment chari dise.
All Manipur Working Journalists’ Union (AMWJU) aru Editors Guild of Manipur (EGM) ekjon emergency meeting rakhise aru Manipur Press Club pora Raj Bhavan loi protest rally launch korise. Kangla te state security personnel taikhan ke rokhibole try korise, kintu protestors Raj Bhavan te poisa aru ekta memorandum Governor ke submit korise.
Media te kotha koi thaka somoy, EGM laga secretary general Yumnam Rupachandra idu incident ke Manipur media history te “prothom bar” buli describe korise aru press ke harass aru obstruct kora ke strongly condemn korise. “Idu press laga freedom te ekta direct attack ase,” buli tai koise.
AMWJU aru EGM laga joint emergency meeting resolve korise ki May 21 te pen-down strike launch kora hobo aru sob journalist duty suspend kora hobo. Logot, government-related news — central aru state forces laga information bhi — boycott kora hobo, jabole taikhan laga demand fulfill nohoi.
Journalist khan demand korise ekta official inquiry incident te, festival organise kora official khan ke punishment aru media ke obstruct kora personnel upor action lobo karone. Rupachandra warning disey ki jodi government response na dey, protest auru dangor hobo.
Media team DIPR office pora subah 6:30 baje move korise aru tini ta normal checkpoint cross korise. Kintu Gwaltabi te taikhan ke rokhi, “Manipur State Transport” laga signage dhaki boloi instruction disey — juntu journalist khan arbitrary aru unjustified order hishab te dekhe.
Shirui Lily Festival laga inauguration ceremony te Manipur laga Governor bhi attend koribo thakise.
Add Comment