US, 21 May 2025: Harvey Weinstein, ekta former Hollywood producer, koi dishe ki tai crime eku kura nai. Tai laga aath saal pichete first camera interview te, journalist Candace Owens ke koi dishe ki tai “wrongfully convicted” hoishe. Tai koi, “Moi etu crime khan nakore. Moi Ishor aru moi laga family naam te koi di ase.”
Etu interview tai laga retrial cholai thaka time te hoishe. Weinstein upor rape aru sexual assault charges ase, 2006 aru 2013 te hoa incident laga karone. Ekta mohila, Jessica Mann, court te same din testimony dishe kitia interview air hoishe. Dusra charges Miriam Haley aru Kaja Sokola laga karone ase, jun khan bhi koi she Weinstein 2006 te tai khan ke assault korishe.
Weinstein mani dishe ki tai personal mistake korishe. “Moi, moi laga family ke duk diya. Moi, moi laga biya kori thaka wife ke cheat korishe. Moi maf maangi ase,” tai koishe. Kintu tai add korishe, “Justice ke janibole lage ki immoral aru illegal te ki difference ase.”
Tai laga lawyer khan bhi surprise hoishe etu interview karone, karon tai khan jananai kitia tak interview arrange kori dishe. Weinstein koi she tai laga purana friend khan bhi bhoy para aru support nakore. “Tai khan bhoy pae cancel hoi jabo, kaam na paabo,” tai koishe.
Actress Gwyneth Paltrow laga kotha ahile, Weinstein koi she ki tai ekbar massage mangishe, kintu eku hwa nai. Tai mani dishe tai “line marishe”, kintu alak eku kora nai.
Weinstein bhi koi dishe ki tai ke zabardasti #MeToo movement laga face banai dishe. Tai 2022 te release hua She Said film ke criticize korishe, koi dishe ki ekta flop film hoishe karon “manuh khan interested nai.”
Tai koi she tai biswas kore ki court te fairness aru asol kotha bahar aaibo.
Add Comment