Teen Din Laga Masterclass Chuli Asey, Audio Management Tey, TaFMA Para

May 21, 2025, 04:58 PM: Itu Task Force for Music and Arts (TaFMA), Nagaland laga Government para tai khan laga chuli thaka capacity building initiative under tey Nagaland ke Skill kuria laga, tai khan toh hoiley ekta teen din laga Master class organize kuri asey, Audio Management tey, 21^st para 23^rd May, 2025 tak tey, itu Regional Centre of Excellence for Music and Performing Arts (RCEMPA), Jotsoma tey para.

Project Director, TaFMA, Dr. Hovithal Sothu para tai laga inaugural speech tey, itu participant khan ke encourage kurishey, kiman parey shikhiloboley karney aru society tey difference aniboley karney. Tai para itu bhi stress kurishey ki, audio management aru sound engineering toh hoiley ekta full profession asey aru tai para jawan enthusiast khan ke serious para loboley karney encourage kurishey.

Itu workshop toh hoiley official para inaugurate kuria laga asey 21^st May, 2025 tey, Ms. Aleno Sale chairperson hisap buhi kena, itu inaugural programme laga aru Koinonia Baptist Church  laga Evangelist – Mr. Kecakielie para invocation pronounce kurishey.Itu Masterclass toh hoiley specific para sound operator khan aru technical member khan nimitey design kuria laga asey, Nagaland bhitor sob nimitey, itu laga important role janiboley pari kena, live sound aru audio system laga, services aru event khan laga homoi tey.