London, 21 May : World Wrestling Entertainment (WWE) United Kingdom aru Europe pora notun wrestler sign kuribole interested ase, itu ekta report te Fightful Select pora janai dise. Kotha churi ase ki Aigle Blanc, Mike D Vecchio aru Zozaya laga naam consider kora hoise company laga main roster expand kuribole karone. Itu tini jon hoisakle WWE laga star list te include kora jabo aagami mahina khan te, recent UK-based recruitment event laga piche para.
Cultaholic laga report hisab te, Blanc aru Vecchio independent scene pora sign kora hoibo. Report te kowa ase ki company laga sources confirm kurise ki ei dui jon ke WWE sign kuribo aru announce kuribo, juntu tryouts company etiya pichle kurise. Duita wrestler September 2025 te WWE te join kuribo pare.
Blanc, ekta masked French wrestler, 2014 te wrestling shuru kurise aru Germany laga wXw promotion te regular player ase. 26 bosor laga flamboyant wrestler laga naam ‘White Eagle’ laga French meaning pora inspire kora hoise – Aigle Blanc. Tai laga mask aru design te bhi white eagle laga image ase. UK laga independent wrestling scene – NORTH Wrestling aru RevPro – te bhi tai dangor popularity paise. Blanc sobse beshi Germany laga Westside Xtreme Wrestling (wXw) te jona jaye, jekhane tai former Tag Team Champion hoise.
Belgium pora aahise ekjon pro wrestler Vecchio, juntu European independent wrestling scene te – wXw, RevPro aru PROGRESS – te regular fight kore. Tai present wXw European Champion ase. Tai ei title Blanc pora October 2024 te jitise. 110 kg weight thaka Vecchio European independent scene laga various promotions te bhi wrestle korise. Tai All Japan Pro Wrestling te bhi appearance dise.
Blanc aru Vecchio duijon All Japan Pro-Wrestling laga Champion Carnival laga B Block te bhi participate kurise. Vecchio 8 points collect kurise, aru Blanc 6 points te finish kurise. Duita European wrestling star All-Asia Tag Team Titles karone bhi ekshathe fight kurise Yuma Anzai aru Rising HAYATO laga against, kintu tai match harise.
Goldenboy Santos bhi ekta pro wrestler ase juntu WWE interested ase buli report te kowa ase. Kintu etiya sign kora nai karon Santos injury karone sidelined ase.
Add Comment