Mumbai, 22 May : Tamil actor Dhanush tai laga upcoming film Kalam: The Missile Man of India te Dr. APJ Abdul Kalam laga role play koribo nimite ready ase. Itu film former President aru aerospace scientist Dr. APJ Abdul Kalam laga biopic ase. Instagram handle te Raanjhanaa actor Dhanush first-look poster share kori news announce korisey
Film tu Om Raut direct korise, aru Abhishek Agarwal, Anuk Sunkara, Bhushan Kumar aru Krishan Kumar milaike produce korise Abhishek Agarwal Arts aru T-Series banner nimite
Itu biopic laga first-look poster te ekta missile upore urhi jaa thaka scene dekha jaa ase, jun smoke chari jaa ase, aru ekjon manuh laga silhouette bhi dekha jaa ase
Instagram post tu post hoar pora lakh lakh likes aru hazar hazar comment paise. Social media user khan bhi bisi excited reaction disey film tu loi
Dhanush laga work front te, tai last dekha dise action drama film Raayan te, juntu te Aparna Balamurali, Devadarshini Chetan, Kalidas Jayaram, Sundeep Kishan aru Divya Pillai lead role te thakise. Next, Dhanush dekha jabo crime drama film Kuberaa te, jun te Rashmika Mandanna aru Nagarjuna Akkineni bhi important role te thakibo
Add Comment