Guwahati, May 23, 2025: May 22, Thursday din te. Assam laga Golaghat District te. Royal Bengal Tiger ke Mob khan para murai dishe koishe. Etu toh Dumukhia Bosti te ase koishe. Aru etu toh Khumtai jaga phane ase koishe.
Bosti manu khan laga haat te, dao, khuri aru loha laga lathi loi kina. Muta tiger ke round kuri kina marishe koishe. Etu toh kile kurishe koile. Etu tiger para ja din phane kunba ke hamla kurishe koishe. Aru manu kunba jokhum hoishe koishe.
Forest Department laga Officials khan para koishe ki. Etu tiger laga body toh paishe koishe muri kina. Hoilebi tai laga kunba body part toh hari kina ase koishe. Aru etu tiger laga chamara bi hari kina ase. Yete tailaga ekta theng aru kunba manso hari kina ase koishe. Forest Officials para koishe ki. Yete manu khan para etu Tiger toh manu ke kha nimete Murai dishe koishe.
Yete Dikhea manu laga hisab te. Etu mob khan toh Tiger ke round kurishe koishe Hamla nakurea ageate. Forest aru Police teams khan etu jatate ahishe koishe Report pai kina. Hoilebi taikhan punchea homoi te. Tiger toh muri kina paishe koishe.
Yete Authorities khan ahea homoi te. Bosti manu khan toh polai jaishe koishe. Yete Forest Department khan para Case toh Registered kuri dishe koishe. Aru etea investigation khan kurea ase koishe.
Add Comment