West Bengal, 23 May 2025: Ekta 12 saal bacha West Bengal te allegedly muri jaishey suicide pra aro note chari shey publicly sorom khila pichideh chips chor kura laka accusation opor te. Note te tai pra likhi shey tai laka ama ke, tai claimed kuri shey tai chips toh chor kuri nai. Hatsa toh Paschim Medinipur district te hoishey Thursday din saam te, police pra janai dishey. Bacha toh nam Krishnendu Das, class 7 student, reportedly dukan te jaishey chips kinibo leh. Tai laka ghor manu hisap pra, tai dukan malik ke bishi bar mati shey, nam Subhankar Dikshit, hoileh b eku jawab panai. Bacha pra koishey, Uncle moi chips kinibo, bishi bar koishey hoileh b jawab d nai. Kunba nai koina bisas kuri kina, tai packet toh loishey entrance osor te thaka toh, pichi te dibo leh plan kuri kina.
Olop deri hoi kina dukan malik toh ahishey aro Krishnendu ke khitai shey, taike Thapar dishey aro sit-ups khan kuribo dishey public te, ghor manu laka police complaint hisap pra. Bacha laka ama ke jaka te mati shey aro taike b gali shey. Krishnendu reportedly bishi bar explain kuribo leh koshis kuri shey ki tai pichi deh pay kuribo thaki shey koina hoileh misa koi ase koina accused kuri shey. Taike jaka te he pay kuribo leh koishey, maaf mangi shey Dikshit najani kina packet lwa karne, hoileh dukan malik pra misa kwa laka accused kuri shey.
Kicha ghor te wapas ahishey, bacha toh tai nijor ke room te lock kuri shey. Tai laka ama aro ghor osor manu khan taike hosh nathaki kina paishey, muk pra forth olai thaka aro adhat pesticide bottle toh tai laka side te thaki kina. Note chari kina thaki shey aro tadeh likhi shey, Ama, moi chor nahoi. Moi chor kuri nai. Uncle toh dukan te thaki nai moi rukha time te. Wapas aha time te, moi Kurkure packet dikhi shey rasta te giri laka aro uthai shey. Etu moi laka last khota ase naja agae te. Moike excuse kuribi etu kam kura karne.
Add Comment