Aizawl, May 24, 2025: Mizoram laga Police khan para State Pura tem un dikina tarikakhan kurea ase koishe. Yete Drugs laga tarika khan rukhabole. Aru yete taikhan ja pasta din nishina te. Alak alak jaga para drugs toh durishe koishe. Aru etu pasta din te drugs durea khan laga toh. Market te Rs 6 Crore laga daam ase koishe.
May 22 din te. CID Crime laga bitor te Special Narcotics Police Station khan para Selesih te operation kurishe koishe. Etu toh Aizawl laga jaga para du rte ase koishe. Yete taikhan 597 Codeine Bottles paishe koishe. Etu toh 80.495 kg ase koishe. Etut toh C. Zosangluri (34) laga haat para paishe koishe. Aru tai toh College Veng, Aizawl para ase koishe.
Yete Etu arrest kurea manu laga haat para khobor loi kina. Authorities khan para Aizawl laga Ramthar Veng te hamla kurishe koishe. Yete Drugs Inspectors of Health Department bi thakhishe koishe. Yete taikhan sob milai kina 1292 Bottles paishe koishe. Etu toh 179.405 kg Codeine ase koishe. Yete etu khan sob durea laga saman khan milai kina Market te bikaishe koile. Rs 9,44,500 laga daam ase koishe.
Aru May 20 laga Phuzur te. Lunglei District laga Police khan para 193.02 Grams Heroin drugs toh durishe koishe. Etu toh Ruhluzuala (37) laga haat para. Tai toh Lunglei District laga Dawn Bosti para durishe koishe. Etu toh market te Rs 5,79,060 laga daam ase koishe.
Arubi May 19 din te. Khawzawl District Police khan para Tuisenphai check gate para. 4.742 Kg laga Methamphetamine Tablets toh durishe koishe. Etu toh ekta Taxi B/R No. MZ-04-9044 para durishe koishe. Etu gari toh Vanlaldampuia (26) para chulai thakhishe. Tai toh Champhai District laga Tuipui para ase koishe. Aru etu drugs toh Rs 61,64,600 laga daam ase koishe.
Aru CID (SB) aru Specila Narcotic Police Station khan mili kina Aizawl laga Seling te operation kurishe koishe May 18 din te. Aru taikhan para. 39.151 kg laga Methamphetime Tablets toh durishe koishe. Etu toh Rs 508.96 lakhs laga daam ase koishe. Etu toh Pu Lalkrossmawia (40) laga haat para durishe koishe.
Aru May 17 din te. Special Team of Saital Police khan para duita Gari ke rukhaishe koishe. Etu gari toh: B/R No MZ 01 B-7815 Hyundai10 (Silver Colour) toh Joseph Vanlalhlana parachulai thakhishe. Aru B/R No MZ 01 H – 2354 (Silver Colour) toh Lalramthara (20) of Zokhawthar para chulai thakhishe koishe. Yete bisarea homoi te. Taikhan 1.142 kg heroin drugs paishe koishe. Etu toh Rs 50,00,000 laga daam ase koishe. Aru yete Investigation kuri kina. Etu eki case te Charta manu ke aru durishe koishe. Bittu Chhetry (20) toh Bualpui Hmar veng, Kolasib para ase. Naruj Jaman Laskar (18) toj Lailapur, Assam para ase. Lalpekmuani (28) toh Rangvamual Farm veng para ase. Aru Rodinliani (33) toh Rangvamual Farm veng para ase koishe.
Add Comment