Saran, 24 May 2025: Police khan 17 jon minor bacha ke rescue kurise ekta orchestra aru dance troupe para Bihar laga Saran district te. Etya tak, etu saal te total 162 jon minor rescue hoise.
Saran laga Superintendent of Police (SP) Kumar Ashish hisap te, etu rescue operation Friday morning Mashrak, Panapur aru Isuapur police station area te raid kuri kena kurise. Etu minor bacha khan reportedly “arkestra” koi kena local language te janai thaka dance troupe part thakise, juntu investigation hisap te prostitution te force kuribole front hisap use kora jai.
“Amikhan ke information milise ki minor bacha khan ke zabardasti orchestra te nachibo le force kora jai aru bhal na laga kaam kuribole force kore,” SP koise.
Rescue kora girls majote, 8 jon West Bengal para, 4 jon Odisha para, 2 jon Jharkhand aru Delhi para, aru 1 jon Bihar para ase, officer koise. Etu operation Women’s Police Station laga leadership te, local police aru NGOs, Mission Mukti Foundation, Rescue Foundation (Delhi) aru Narayani Sewa Sansthan (Saran) logot milikena conduct kora hoise.
“Amikhan taikhan laga family logot contact te ase aru legal help bhi provide kurise. Bacha khan ke Child Welfare Committee (CWC) logot present kuribo jabo next step nimite,” SP add kurise.
Women’s Police Station te ekta case register kora hoise.
“Etya tak, paanch jon orchestra organise kora manu ke detain kora hoise. Tai khan ke questioning choliase,” SP koise.
Police hisap te, etu minor bacha khan ke usually poisa aru job dibo laga promise kuri kena loi jai. “Kunba girls ke social media platform, Instagram aru Facebook te popular banai dibo koi kena bhi loi jai… May 2024 para amikhan 162 jon minor girls ke rescue kurise, tai khan laga family logot wapas milai dise. 21 cases register kurise aru 56 accused ke arrest kuri kena judicial custody te patha disu,” SP koise.
Tai add kurise ki district police taikhan laga ‘Awaaz Do’ programme use kuri kena awareness spread kuri ase.
Add Comment