Germany, 26 May : Dutch coach Erik Ten Hag ahile Bundesliga club Bayer Leverkusen laga nobo head coach hobo, Xabi Alonso Real Madrid join korikar karone club chari jabole thaka piche te.
55 saal laga ex-Ajax aru Man United coach Ten Hag, 2027 tak German side logot thakibo karone ekta contract sign korise.
Ten Hag ke Man United laga coach banaise juntu club ke ulta thaka halat pora purana glory te loi jabole try korise. Tai Red Devils ke ekta FA Cup title jitai loise, kintu next season majote tai ke fire kori Ruben Amorim ke replace korise.
Ten Hag, jun Ajax ke multiple league title aru 2018/19 UEFA Champions League te dangor performance loi jai thakise—jate Ajax Real Madrid ke pura dominate korise—Man United te boss thaka time te dangor criticism face korise. United laga bhal ulabo napara onek problem tai ekla fix no parile, aru tai time te pressure dangor thakise.
Ajax bhi Ten Hag ke wapis Netherlands Capital te loi ahibo bishar thakise, karon head coach Francesco Farioli club chari dise. Farioli laga under te Ajax 9-point lead thaka pisot harai jai aru PSV laga piche te second finish korise, jate PSV Eredivisie title loi jai. Kintu ahile Leverkusen Ten Hag laga signature loi loi jaise, tai karone Ajax ke ekjon nobo coach bisari lagibo.
Add Comment