May 26, 2025, 05:21 PM: Itu Innovation NE Week laga inaugural programme toh hoiley, Ministry of Electronics and Information Technology (MeitY) aru National Institute of Electronics & Information Technology (NIELIT) para organize kuria laga thakishey, Information Technology & Communication aru StartUp Nagaland laga Department logotey collaborate kuri kena, kuntu toh hoiley NIELIT, Kohima tey para loishey 26th May, 2025 tey. Itu toh hoiley teen din laga event asey, 26th para shuru hoishey aru itu toh hoiley 28th May, 2025 tak chuliboley asey, aru tatey itu Northeaster state khan laga sob participant khan thakiboley asey.
NIELIT laga Vice Chancellor aru Director General – Dr. Madan Mohan Tripathi para tai laga address tey, koishey ki, NIELIT toh MeiTY under tey, ekta crucial role play kurishey, digital literacy aru technical education advance kuria tey. Tai para mention kurishey ki, 56+ center khan aru 70+ affiliate thaka institute khan thaki kena, NIELIT para industry align thaka program khan offer kurey, agey barit haka area khan tey, AI khan, cyber security, IoT, AR/VR, blockchain technology, ESDM, etc. khan nishina tey. Tai para add kurishey ki, NIELIT toh hoiley education offer kurey, skilling para PhD research tak tey aru tai khan ekta national acceleration body hisap tey bhi serve kurey, IT aru electronics training nimitey.
Itu inaugural programme ke address kuri kena, Secretary, MeitY, Government of India, S. Krishnan para koishey itu teen din laga event program toh hoiley dangor significance laga ekta asey aru itu toh hoiley crucial role play kuriboley asey, digital literacy aru technical education advance kuria tey, itu northeast education tey.
Add Comment