Iatanagar, May 28, 2025: Duita maiki nishina toh Positive ulaishe koishe. Covid -19 Bimar pukka te. Etu toh State te sobse First Cases ase koishe Variant laga Virus te. Yete 35 saal maiki toh pet te bacha bukhea ase. Aru taike RK Mission Hospital te Positive ulaishe koishe. Etu maiki ke Monday din te Hospital te anishe koishe. Aru olop pichete Gynaecologist para taike Covid laga test kuribole janai dishe, yete tai bukhar ula pichete. Taike Monday evening te test kurea pichete Positive ulaishe koishe.
Aru Tuesday Phuzur te. Tai laga attendants toh 53 saal ase. Aru taibi Positive ulaishe koishe Test kurea pichete. Etea etu bacha bukhea maiki toh RKMH te dali dishe. Aru tai laga Attendant ke toh Isolation te rakhi dishe koishe.
Integrated Disease Surveillance Programme (IDSP) State Surveillance Officer Dr Lobsang Jampa para koishe ki. Covid -19 bimar pukka laga case toh eman serious nahoi. Etu nimete chinta nakuribole janai dishe manu khan ke. Tai para arubi koishe ki. IDSP Arunachal khan para bishi diri nahoi kina Covid Advisory nahoilebi Tarika khan janai dibole ase koie. Yete Tai laga Symptoms khan toh Bukhar, Khasi kurea, Gula sukea, pet bia hoi aru Body bi khujili hoi.
Add Comment