Madhya Pradesh, 29 May 2025: Electricity aro bacha boleh aro pollution komti kuribo leh, Madhya Pradesh energy minister Pradhuman Singh Tomar pra announced kuri shey ki tai June pura air conditioner nachulai kina thakibo rati time te ghor te hubo office te hubo, aro tai nijor laka official gari te b. Etu laka badli, tai waterproof tent halibo park te Gwalior te aro fan laka under te humabo. Tai aro decide kuri shey Thanda pani nakha boleh fridge pra direct, aro traditional clay pot Thanda pani laka chulabo. Etu toh khali khota nahoi, action ase, Tomar pra koishey. Etu ke chutu contribution koi ase greener, cleaner India karne. Minister pra tai laka unique pledge etu June month karne reaffirm kuri kina koishey, Moi data b share kuribo kiman units electricity bachabo pareh aro kiman pollution toh komti kuribo paribo khali ekta air conditioner off kuri kina ekta rati nimite.
Hoileh b tai clarified kuri shey ki tai etu pledge toh strictly follow kuribo kicha tai Bhopal aro Gwalior te thakibo, etu toh naparibo kicha tai Delhi te thake. Din time te toh, moi koshis kuribo AC para tak nachula boleh. Hoileh b time thakibo moi senior leaders khan laka ghor ja time te nahoi leh meeting attend kura time te etu toh naparibo. Moi taikhan ke AC toh off kuribo kubo napareh- taikhan laka choice ase. Moi eku b impose kura nahoi kun laka opor te b. etu personal commitment ase moi nijor ke bana.
Tomar pra explained kuri shey ki air conditioner toh khali electricity bishi nakhai ekla nahoi hoileh b carbon dioxide laka emission te contribute kureh, kun toh bodli te environment ke harm kureh. Moi etu steps loi shey ekta conscious aro responsible step energy conservation karne, Tomar pra koishey.
Add Comment