Phek, 29 May 2025: Viksit Krishi Sankalp Abhiyan under ICAR-KVK, Porba, Phek officially launch kora hoise 29th May 2025 te, juntu te Chief Guest thakise MLA Dr. Neisatuo Mero.
Dr. Mero tai laga speech te koise ki sustainable agriculture rural development karone bishi important ase, aru farmers ke modern technology reach koribo lage productivity aru livelihood improve koribo karone. Tai campaign laga inclusive approach bhi appreciate korise, juntu scientist, extension worker aru farmers ke ekta platform te anibo karone ase.
DC Phek, Rhosietho Nguori guest of honour hisap te kotha kuri kena, ICAR-KVK Phek team ke appreciate korise science-led farming practice implement kora karone. Tai koise agriculture development grassroots level te depend kore.
DHO Phek, Senkalemba horticulture outreach upor te kotha kuri kena farmers ke encourage korise holistic agriculture development karone. Farmer representative Niekhozolu bhi farmers laga support declare korise VKSA campaign karone.
Dr. Sanjeev Kumar Singh, Head & Senior Scientist, KVK Phek, janai dise ki VKSA Yatra 29th May pora 12th June 2025 tak cholibo, aru team KVK scientist khan Phek aru Meluri district laga 106 villages visit koribo aru farmers logot directly interaction koribo.
Programme conduct korise Dr. T. Esther Longkumer, Chief Technical Officer, KVK Phek pora, aru interactive session bhi loise. Vote of thanks Dr. Narendra, Scientist (Agri Extension), ICAR-NRC on Mithun, Medziphema pora diise.
Add Comment