May 30, 2025: Yete Duita Criminal toh Manipur te teacher ekjun ke murai dishe koishe. Aru yete tai duijun ke Srubhumi laga Ramkrishnanagar jaga para arrest kurishe koishe.
Yete tarika kuri kina. Manipur Police khan Sribhumi Police laga modot loi kina. Taikhan Abis Uddin aru Saif Uddin ke Ramkrishnanagar laga Mohanpur Bosti para durishe koishe. Taikhna ke Chief Judicial Magistrate laga Court ageate loi jai kina. Aru Manipur te wapas loi jaishe koishe. Transit Permit laga bitor te.
Etu manu toh Sribhumi District laga ase koishe. Aru tai khan toh Manipur te gari bana laga dukan kuri thakhishe koishe. Aru Police khan laga khobor hisab te. May 20 din te. Teacher A.S Thotsang toh tai laga gari bana bole garage te anishe koishe. Etu homoi te, etu dada bhai toh Teacher ke muraishe. Aru tai laga gari aru, Mobile phone, Poisa aru alak saman khan bi uthai kina polai jaishe koishe.
Manipur laga Ukhrul Police khan para Investigation toh suru kurishe koishe. Aru taikhan Sribhumi te ahishe koishe. Yete Duita State laga Police khan mili kina tarika kurishe. Sribhumi laga Ramkrishnanagar para etu manu duijun ke arrest kurishe.
Add Comment