Odisha, 31 May 2025: Odisha Vigilance Directorate Friday din te ekta state government engineer laga ghar te raid korise, aru crores laga property aru Rs 2.56 crore cash joma korise, retirement laga ek din age.
Officer khan koise, engineer Baikuntha Nath Sarangi cash lokabole kosis kori thakise, Rs 500 note laga bundle window pora phelai dise jitya Vigilance officer khan usor ahise.
Vigilance team Bhubaneswar, Angul aru Pipili te milaikena ke 7 jagah te search chuli thakise. Investigation to etu allegation opor te ase ki Sarangi laga property to bishi ase tai laga salary aru official income logot namilikema.
Seized property te ase: 2 multi-storey building, 2 flat, 7 high-value plot, Rs 1.5 crore bank deposit, Rs 2.7 crore investment (share aru mutual fund), 1.1 kg gold, 15 ta imported wristwatch
Vigilance Director Yeshwant Kumar Jethwa koise: “Etu sob property laga value tai laga legal income te milenai. Reliable source para information pa karone search operation cholise.”
Jethwa confirm korise ki Sarangi kosis kori thakise cash khan window pora phelai dibole, hoilebi sob cash SOP hesap to recover korise. Investigation etya bhi choli ase.
Officer khan koise, Sarangi ke Saturday din arrest kora hobo pare. Official record hesap te, Sarangi 1991 te Rs 2,000 per month pay te government service join korise stipendiary engineer laga post te. January 2023 te additional chief engineer hoise, aru February 2025 te chief engineer post paise.
Add Comment