June 02, 2025, 06:42 PM: Itu Nagaland State Disaster Management Authority para toh hoiley inform kurishey, ki, itu heavy para pani giriboley laga anticipation tey, thunderstorm khan bhi eke logotey thakiboley nishina thaki kena, lightning & gusty wind (hawa jurr) para mariboley asey, Nagaland laga alag alag jaga khan tey, tatey toh hoiley ekta flash flood ahiboley laga rsk asey, kuntu toh hoiley pani bhorta para dangor para dangor hoboley nishina asey & osor jaga khan tey, itu State laga nichey nichey jaga khan tey. Surface runoff/ Inundation hoboley nishina asey, kunba pura-puri saturate thaka mati khan & nichey laga area khan tey, itu pani khan bishi giri thakiboley laga expect kuria para.
Itu extreme weather condition khan laga light tey, sob District Disaster Management Authorities (DDMAs) khan ke advise kurishey, alert thakiboley aru lagi thaka advisory issue kuriboley advise kurishey, kiba kibi nahoboley laga ghatna khan rukhaboley karney, tai khan laga respective district khan tey.
Itu emergency laga case tey, citizen khan toh itu State Emergency Operations Centre: 1070 (toll free number); 112 (Disaster Management nimitey ERSS extension); 0370-2291120/22 tey phone kuriboley paribo.
Add Comment