Itanagar, 3 June : Arunachal Pradesh Literary Society (APLS) ekta dangor milestone celebrate korise, juntu hoise literary legend Lummer Dai laga 85th birth anniversary. Eitu patham bar Tezpur, Assam te organize kora hoise. Program tu Lummer Dai Smriti Bhawan te rakha hoise, Arunachal Pradesh Pensioners’ Association Tezpur logot milikena. Assam aru Arunachal duita jagah pora anek prominent manu jon etu event te hadir thakise.
Celebration laga main attraction thakise Luminous Lummer Dai Literary Award 2025, juntu renowned author aru retired teacher Ramchandra Chutia ke diya hoise. Tai English aru Assamese te 29 ta kitab likhise, jun sob Arunachal Pradesh laga tribal life upor focus kori likha.
Award te ekta citation, ekta memento, kitaab packet aru ₹50,000 taka rakha hoise. Tezpur MLA Prithviraj Rava announce korise ki Lummer Dai laga famous novel Kanyar Mulya upor ekta documentary film banaikena APLS ke handover kora hobo, jate Arunachal bhar te screen kora jai. Tai APLS ke encourage korise ki Bishnu Rabha Rachanawali laga ekta chapter Bane Kebang, juntu Arunachal laga alag-alag community laga reflection ase, etu translate koribo lage. MLA Rava full support dise APLS ke, Tezpur te future te literary aru cultural initiative chulai jaabo karone.
Add Comment