US, 03 June 2025: Los Angeles – Famous filmmaker James Cameron, juntu Titanic, The Terminator aru Avatar series laga film banaishe, etiya Joe Abercrombie laga best-selling novel The Devils laga movie version likhibole ase, tai co-writer hobo.
Cameron nijor Facebook page te announce kurishe, aru koi ase ki tai beshi sal pora Abercrombie laga likha bhal paishe. Tai koishe ki tai specially First Law series, Best Served Cold aru Age of Madness trilogy bhal paishe. The Devils laga world aru character ittu ekdom nijah hoishe, aru etu karone tai decide kurishe ki Abercrombie logot milikena etu film banabo.
Dui jon milikena script likhibo. Cameron etu kaam start koribo juntu time te tai nijor next movie Avatar: Fire and Ash khotom koribo, juntu Avatar franchise laga third part ase, aru etu film December 19 te release hobo.
Cameron koishe, “Moi Joe laga likha beshi din pora bhal paishe. Tai likha ekdom visual ase, aru film banabole perfect ase. Moi excited ase etu character khan screen te anibo karone.”
The Devils ekta alternate medieval Europe te set ase. Etu kahani te manu khan ekta danger face kure — elvish invasion, juntu elf khan manu laka mangso khai.
Abercrombie bhi excited ase. Tai koishe, “James Cameron 40 sal beshi time pora fan khan ke amaze kori ase. Tai juntu action aru emotion milaikena film banae etu tai best kore. Moi najane alak manu kun etu weird aru wonderful story ke screen te anibole better ase.”
Fans khan update pabo Avatar: Fire and Ash complete hojai kina.
Add Comment