US, 4 June 2025: Ekta judge It Ends with Us director Justin Baldoni laka support te fasla kuri dishe, actress Blake Lively logot court-te thaka mamla te. Etu mamla December 2024 te shuru hoishe, jitu time te Blake Lively, Justin aru tai laga company Wayfarer Studios upor sexual harassment aru retaliation laga opor accuse kurishe.
Blake tai laga case te emotional distress laga bhi claim kurishe, kintu pisot te etu hata bole try kurishe. Kintu Judge Lewis J. Liman koishe, etu claim hata bole duijon laka agreement lagibo. Judge bhi clear kuri dishe jodi etu claim nahataile , Blake emotional distress laka evidence court te dekhabole naparibo.
Blake laga lawyer, Esra Hudson aru Mike Gottlieb, etu fasla upor dukh pa janai dishe, kintu koishe ki Blake pora harassment, upor emotional distress laka damages mangi thakibo. Tai bhi koishe ki Justin laga team media attention pa bole legal tricks use kuri ase.
Justin bhi Blake, tai laga husband Ryan Reynolds aru tai laga PR team upor defamation aru extortion laga case file kuri dishe. Etu mamla ekdom serious ban jaishe, jiman ki Taylor Swift, Disney aru Marvel laka naam bhi loi loishe.
It Ends with Us, juntu domestic violence upor bana film ase, theatre-te bhal olaishe. Kintu film promote kura time te tension thaka report bhi news te ahi thakishe.
Trial March 9, 2025 te New York City te hobo—etu court te juntu Sean “Diddy” Combs laga dangor case bhi chuli thakishe. Duita side settlement nakuribole mon te, etu drama olop bhi khotom nahoi.
Add Comment